portada-seminario-lugo

QUEN SOMOS

No Seminario Menor pódense cursar as distintas etapas do Ensino Secundario Obrigatorio "ESO" e tamén do Bacharelato polas vías LOMCE de Humanidades e CC Sociais e de Ciencias e Tecnoloxía.
O Seminario Menor é unha comunidade educativa diocesana erixida polo Bispo segundo as normas da Santa Sé para cultiva-los xermes de vocación sacerdotal de quen, en curta idade, presentan indicios desta vocación e se inclinan polo sacerdocio diocesano secular (PFSMe 6).

Ten un Plan Propio de Formación (CEE) que abarca distintas dimensións do desenvolvemento humano: intelectual, emocional, comunitario, cristián e vocacional.
 
Os valores dos que fai gala o Seminario axudan non só a descubrir o cristianismo coma un xeito de vida profundo e enriquecedor senón que preparan á persoa cara unha vida social, profesional e familiar íntegra.

Intentamos:
  • Proporcionar unha formación completa.
  • Acompañar cos medios necesarios para o crecemento harmónico.
  • Axudar no discernimento vocacional para unha elección profesional responsable.
  • Facilitar o proceso de maduración para que poidan ingresar no Seminario Maior Diocesano.
E para elo dispoñemos de:
  • Un proxecto Educativo avaliado pola Conferencia Episcopal Española e adaptado á nosa realidade.
  • Un claustro de profesores de tódalas idades e especializacións.
  • Un equipo personalizado de formadores e titores
  • Un equipo de orientación
  • Un edificio novo coas mellores calidades que responden a tódalas esixencias formativas:
  • Biblioteca duns 80.000 volumes.
  • Residencia para 60 alumnos con habitacións individuais e tódolos servizos.
  • Espazos amplos para o estudo comunitario.
  • Salas de lectura, medios audiovisuais, informática, etc.
  • Pistas deportivas exteriores.
  • Polideportivo cuberto e calefactado con todos os servizos.
  • Capelas por niveis cunha atención relixiosa adaptada ás idades.
  • Salón de actos.
  • Salón de xogo.
  • Laboratorios, talleres, aula de música, libraría...
con actividades extraescolares complementarias:

  • Informática
  • Balonmán
  • Coro
  • Guitarra
  • Órgano
  • Teatro
  • Convivencias e retiros.
 
Ven e verás!