Eucaristía de Apertura do Curso Académico 2020-2021

Achegamos a invitación á Eucaristía coa que, neste particular comezo do Curso Académico 2020-2021, celebraremos a Apertura das actividades académicas xa en marcha nos distintos Centros formativos con sede no Seminario Diocesano. Terá lugar o próximo venres 2 de outubro, ás 13:00 h., na Capela Maior do Seminario Diocesano, atendendo ás indicacións de aforo e ás demáis medidas de seguridade. 
Por desgracia, este ano vémonos na obriga de suspender o habitual programa das nosas Aperturas de Curso: Acto Académico, Brindis polo novo curso... polas dificultades de asegurar os aforos e respectar todas as indicacións de seguridade sanitaria. Mantemos tan só, principalmente para os alumnos, familiares e profesores, a celebración da Eucaristía, ao remate da cal, coa entrega das mencións académicas do Curso 2019-2020, quedará inaugurado o Curso 2020-2021.
Con todo, queremos facer partícipes deste día a todos os habituais invitados da Apertura de Curso no Seminario Diocesano, para que, aínda que non poidan acompañarnos presencialmente, se unan a nós na distancia. Esperamos que, en futuras ocasións e se as circunstancias melloran, teñamos novos momentos de encontro e celebración festiva. 
JSN Boot template designed by JoomlaShine.com